Nvidia е на сериозни маки во моментов, а делот во средната класа е вистинкска мешаница. Ова се однесува на шемата на именување на графичките картички, каде Nvidia со деветата серија направи тотален хаос. Како потенцијален купувач, секогаш барам чиста и едноставна ознака при купување на графичка картичка. Она што Nvidia го нуди во моментов во сегментот во средната класа за многумина е тешко да се разбере. Дали 9600 GSO или пак 9600 GT e подобар избор во моментов и зошто многумина мислат дека 8800GS е послаба од 9600 GSO. Голем број потенцијални купувачи видно се измамени дека деветтата серија е подобра од осмата серија, а за сето ова е виновна Nvidia. Во овој момент на збунетост кај народот се појавува ATI со чисти прецизни именувања на своите графички картички, а HD 4670 е токму она што многумина го очекуваа од компанијата. Графичка картичка која не е скапа, а сепак има можност да ги игра повеќето игри на повисока резолуција и тоа без користење на допoлнително 6 пинско напојување.

Во денешниов тест, ги имаме двете графички картички кои се стремат да бидат најпосакувани графички картички кои не чинат цело богатство, а сепак се доволно моќни да одговорат на сите игри. Претставникот од Nvidia е добро познатата ЕCS 9600GSO, која е најконтраверзната графичка картичка која некогаш била исфрлена од Nvidia. За оваа картичка веќе доволно говоревеме, а доколку ве интересира целата приказна можете да ја прочитате овде . Од АТI ни доаѓа Sapphire HD 4670 кој е еден од топ партнерите на компанијата. Новата картичка се базира на истата архитектура на која се базираат 4850 и 4870. Овие две картички веќе доволно се докажаа, на ред е нивниот помал брат. Интересно е што HD 4670 има идентичен број на стрим процесори со постариот high end модел HD 3870 но има дупло помала мемориска пропусност. Познавајќи ги перформансите на HD 3870, можеме да претпоставиме дека HD 4670 нема многу да отстапи од овие резултати.

    - Прва страна: Вовед >>

    - Втора страна: Пакување и софтвер >>

    - Трета страна: Спецификации и систем за тестирање >>

    - Четврта страна: 3DMark05/06 и Lightsmark 2007>>

    - Петта страна: World in Conflict >>

    - Шеста страна: Company оf Heroes >>

    - Седма страна: Crysis >>

    - Осма страна: Fary Cry 2 >>