Nokia ја освежи својата понуда на музички телефони со три нови модели , 5030 XpressRadio, 5330 XpressMusic и 5730 XpressMusic. Новото трио на број еден компанијата во телефонската индустрија наскоро ќе се појави на пазарот по доста пристапни цени.

Најевтиниот модел 5030 XpressRadio, има класичен сandybar облик, ќе се појави во црвена и графитна боја и тежи само 82 грама. Опремен е со 1,8 инчен TFT екран со резолуција од 120 x 160 пиксели, FM радио и има поддршка само за 2G мрежа. Антената за слушање на радио е вградена во телефонот, така да слушалките кои до сега служеа како антена немора да бидат приклучени на телефонот за да се слуша радио. Интересно е што овој модел нема вградена камера, но затоа чини само 40 евра.

Nokia 5330 XpressMusic е 3G телефон на лизгање со 2,4 инчен екран со резолуција од 240 x 320 пиксели, вградена камера со 3.15 мегапиксели, GPS, вградена меморија од 70MB плус мемориски слот за microSD(HC) картичка со капацитет до 2GB која е вклучена во пакувањето. 5330 XM ќe биде исфрлен во третиот квартал по цена од 160 евра.

Последниот но најопремениот модел, 5730 XpressMusic е опремен со slide-out QWERTY тастатура, 2.4 инчен QVGA дисплеј, 100MB внатрешна меморија и слот за microSD картичка, 3.15 мегапикселна камера со Carl Zeiss оптика, GPS, и радио. Телефонот е опремен со Symbian OS, S60, а од останатите додатоци може да се издвојат WiFi, Bluetooth и USB конективност. Овој модел ќе се појави исто така во третиот квартал по цена од 280 евра.