Извршниот службеник на Microsoft, Aaron Greenberg изјави дека Project Natal би можел да помогне за да оживее Јапонскиот пазар.

"Реалност на Јапонскиот гејминг пазар е таа што тој повеќе не е тоа што беш,е а во исто време гејмингот стана најголемиот вид на забава во светот," изјави Greenberg за Destructoid .

"Сепак, јас не мислам дека Јапонските програмери треба да измислат нов Halo или Call of Duty. Мислам дека постојат начини за да се изедначи нивната креативност со нови алатки како што е Project Natal .

Според Greenberg, Microsoft неодамна одржа собир за програмери за Project Natal со тројцата водечки Јапонски програмери, Kojima-san од Konami, Inafune-san од Capcom и Nagoshi-san од Sega.

"Сите водечки Јапонски издавачи најавија дека активно работат на програмирање на игри за 'Project Natal' и едвај чекаат да видат како овие игри ќе оживеат. Јас најискрено верувам дека иднината е светла за Јапонските програмери и издавачки компании."

Концептот Natal, кој користи камери и микрофони за да ги следи движењата на играчите, беше претставен на E3 саемот во 2009та во Los Angeles.

Бројни гејминг компании, вклучувајќи ги Activision, Bethesda, Capcom, Disney, EA, Konami, MTV, Namco Bandai, Sega, Square Enix, THQ и Ubisoft, се посветија на развивањето и програмирањето наслови кои ќе се играат на Project Natal.