Можеби си мислите дека сте умни доколку за лозинка на вашиот компјутер ставите "лозинка", но всушност факт е дека не сте единствениот 'досетливко' бидејќи тоа е еден од најупотребуваните зборови.

Imperva, агенција за обезбедување на датотеки, објави студија за "Најлошите лозинки на корисниците" (Consumer Password Worst Practices), по завршената анализа на некои 32 милиони лозинки кои беа обелоденети за целиот свет да ги види откако програмерот на социјална медијска апликација, RockYou, беше хакнат од опасен SQL тројан.

Ах да, само да додадеме дека тоа беше една оригинална група од 32 милиона луѓе, бидејќи како врвни 10 лозинки беа користени по редоследот што ви го претставуваме:

1. 123456
2. 12345
3. 123456789
4. Password
5. iloveyou
6. princess
7. rockyou
8. 1234567
9. 12345678
10. abc123

Главниот технички службеник на Imperva, Amichai Shulman, смета дека нападот би можел и да се смета за научена лекција, но и додал дека “никогаш досега не било истражен волку голем број на лозинки кои се користат во реалниот свет."

"Сите мораат да сватат дека креирањето на едноставни лозинки значи лесен плен за автоматизираните хакерски напади,” изјави Shulman, напоменувајќи дека “само со минимален напор, хакерот може да добие простап до нова корисничка сметка на секоја секунда - или 1000 кориснички сметки на секои 17 минути."

Но, дали сите ние ќе научиме од нашите грешки е нешто што сепак ќе остане необјаснето. "Проблемот многу малку се промени во изминативе 20 години," изјави Shulman, мислејќи на студијата на Unix од 1990 година која покажа избор на лозинки сличен на оној кој корисниците го користат и денес.