Се чини дека некои луѓе се способни да прават пари од ништо, па така еден поранешен гејмер одлучил да ја продаде својата Steam сметка на eBay. Не само што успеал, туку ја продал за $1000 американски долари.

Изнаоѓајќи начин за заобиколен пат на дигитална дистрибуција, корисникот dave311freak на eBay го продал својот Steam - кој бил проценет на околу $2,700 американски долари и содржел 139 наслови на игри - за $1000 американски долари и покрај тоа што почетната понуда што ја поставил била само $500 долари. Се чини дека некој убаво ги научил убавините на маркетингот.

Destructoid има поставено видео од Freaky Dave кој на YouTube поставил видео на кое го рекламира својот каталог со наслови на игри меѓу кои се Grand Theft Auto IV, Modern Warfare 1 и 2, Borderlands, Dragon Age и Company of Heroes, но за жал неговото видео е отстрането.

За да привлече поголемо внимание на неговата понуда на eBay, dave311freak додал дека неговиот Steam нема "апсолутно ни еден бан на ниту една од игрите кои се наоѓаат на неговата листа," дека е "на добар ранг na VAC, а и дека сите игри од тој Steam можат да бидат превземени во било кое време на било кој компјутер што има инсталирано Steam."

Додатно за да ги увери потенцијалните купувачи дека сето она што го кажува за својот Steam е вистина, Dave ќе ги промени сите информации во корист на победникот на лицитацијата, почнувајќи со адресата на електронската пошта и праќајќи им ја лозинката со која ќе можат веднаш да се логираат и истата да ја променат во сопствена.

Но што е она што го натерало Dave да се откаже од гејмингот? Па, официјалната причина дадена од веќе бившиот гејмер е дека тој си трошел премногу време на игрите и дека не поминувал доволно време со семејството и пријателите. Но ако ме прашате, мене ми личи на некој кој си нашол девојка.