Откако ги исфрлија моделите од највисоката и средната класа, AMD конечно реши малку да го освежи и буџет сегментот на графички картички. Станува збор за HD 5450, HD 5550 и HD 5570 графичките картички кои ќе бидат дел од Cedar фамилијата, а ќе бидат првите буџет графички картички од оваа серија кои ќе се појават на пазарот.

Radeon HD 5450 би требало да биде најавена на 4-ти Февруари и ќе биде картичка која ќе ја замени претходната генерација HD 4550 и 4350, додека Radeon HD 5550 и HD 5570, би требало да бидат најавена пет дена покасно, а ќе бидат соодветна замена за HD 4650 и 4670.

HD 5570 и HD 5550 ќе бидат достапни во две верзии, со 512MB и 1GB GDDR5. HD5570 ќе има работни тактови на графичкиот процесор од 775MHz и 1000MHz на меморијата. Трите модела ќе бидат опремени со 200 стрим процесори, 64 битен мемориски интерфејс и ќе поддржуваат DirectX 11. Опремени се со мали кулери за ладење на графичкиот процесор, што значи дека ќе бидат доста ладни. Од конетивноста се забележуваат DVI-D, DisplayPort и D-Sub конектори.

Цените се уште не се објавени, но според тоа како стојат работите би требало да се движат помеѓу 40 и 70 евра, во зависност од моделот, типот и количината на меморија.