Иако мислите дека Кина е преполна со Кинези, производителите на компјутерски компоненти сепак неможат да најдат доволен број луѓе кои ќе работат во производството, што наскоро би можело да доведе до недостаток во цел свет.

Производителите на компоненти тврдат дека можат да испорачаат само 70-80% од порачките на производителите на лаптопи и дека ситуацијата би можела наскоро да се влоши. Проблемот е во тоа што едноставно нема доволно квалификувани Кинези кои би работеле на производство на компоненти.

Ова веројатно се должи на фактот што Кина започнува да се фокусира на економскиот развој на внатрешноста, а не само на крајбрежјето. Фабриките во крајбрежниот предел од неодамна имаат потешкотии при вработување на нови работници и мораат да ги зголемат двојно, па дури и тројно платите со цел да привлечат доволно привремени работници.

Ситуацијата ја отежнува и тоа  што производителите на лаптопи нарачуваат се поголем број компоненти. Недостатокот на работна сила во Кина е проблем уште од минатата година, а се навестува дека ситуацијата ќе се влоши после кинеската Нова Година во Февруари.

Некои производители најавуваат дека 5-10% од вработените нема да се вратат на работа после новогодишните празници.