Научниците на IBM успеаа да го создадат најбрзиот транзистор кој не се базира на силикон туку на графин. Овие транзистори имаат рекорден работен такт од дури 100GHz, или повеќе од 100% од силиконските транзистори, чии рекорден работен такт изнесува 40GHz.

Графинот е посебна форма на графит, кој е развлечен на тенок слој со дебелина од само еден јаглероден атом, поставен во хексагонална саќеста структура. Дводимензионалната структура на атомот на јаглеродот во графинот има единствени електрични, оптички, механички и термални својства, а во моментов интензивно се истражуваат различните можности за нивна примена.

Најновото достигнување во развојот на графинските транзистори научниците на IBM го постигнале со користење графин кој е добиен со технологија компатибилна со постоечките методи кои се користат за силиконските транзистори. Научниците наведуваат дека добиената работна фреквенција на графинските транзистори е значително повисока од највисоките фреквенции кои некогаш се постигнати со силиконските транзистори развиени со истата технологија.

"Клучната предност на графинот лежи во многу високите брзини во кои пропагираат електроните, што е од суштинско значење за создавање на брзи тразистори од наредната генерација. Пробивот кој што го прикажавме јасно покажува дека графинот може да се користи за производство на уреди и интегрални кола со високи перформанси", рече Dr TC Chen, потпретседател за наука и истражување во IBM Research.

Проектот е финансиран од агенцијата Defense Advanced Research Projects Agency (DARPA)на американското министерство за одбрана во рамките на програмата Carbon Electronics for RF Applications (CERA) која има за цел да развие нова генерација комуникациски уреди.