Новиот графички алгоритам ветува филмски квалитет кај компјутерските игри

Графичките програмери од колеџот Williams и nVIDIA создадоа нов алгоритам кој, како што велат, драстично ќе го подобри квалитетот на графиката во компјутерските игри.

Бидејќи видео игрите мораат да ги процесираат податоците многу побрзо од филмовите, програмерите на видео игрите имаат голем проблем.

Но Morgan McGuire, асистент професор на компјутерски науки на колеџот Williamс и Др. David Luebke од nVIDIA развиле нов метод за компјутеризирано осветлување и светлосни извори за кои велат дека на видео игрите ќе им помогнат да се доближат до филмски квалитет.

Создавањето на светлосни ефекти во суштина значи притискање на светлината во 3Д светот и повлекување назад на истата до пикселите на финалната слика. Новиот метод всушност го врши истиот процес ама во обратна насока, па така светлината е повлечена во 3Д светот па потоа е притисната на финалната слика - многу побрза техника.

Како што видео игрите континуирано го зголемуваат степенот на интеракција, се очекува графичките процесори да станат за 500 пати побрзи одколку што се денес.

Алгоритамот на McGuire и Luebke е сосема прилагоден за оваа зголемена брзина на одработка на податоците, како што велат тие а се очекува да се појави во видео игрите во наредните две години.