Новиот пакет графички програми за изработка на илустрации, обработка на фотографии и векторска графика во својата 15-та реинкарнација доаѓа под името CorelDRAW Graphics Suite X5 и веќе е достапен за преземање.

Запакуваната верзија доаѓа на пазарот кон крајот на другиот месец и тоа во Англија, Германија, Франција, Холандија, Италија, Шпанија и Португалија.

Во новата верзија е олеснета работата на проектите благодарејќи на новиот систем CorelCONNECT кој е синхронизиран со Сorel PHOTO-PAINT и CorelDRAW, a унапредени се и алатките за цртање, креирање дијаграми, текстови, криви линии.

Подобрениот PowerTRACE конвертира растерска и векторска графика со поголема прецизност од порано, a поефикасни се алатките за креирање интернетска графика и анимација благодарејќи на новите можности, како Pixel Preview модот, кој пред самата објава овозможува прецизен приказ на содржината како ќе изгледа проектот поставен на веб страна.

SWiSH miniMax™ 2 овозможува креирање на Flash анимации, банери и останати интерактивни содржини во Flash. Редизајнираниот систем за управување со боите дава поддршка за најновите PANTONE профили, а стандарден дел од пакетот се увозните и извосните филтри за разни формати.

Во пактот се наоѓаат вкупно пет програми: CorelDRAW, PHOTO-PAINT, PowerTRACE, CAPTURE и CONNECT.