Продавницата за апликации на Apple се збогати со една интересна нова апликација која ќе го реши проблемот на тајните агенти и швалерите.

TigerText тврди дека ова е првата апликација која им овозможува на корисниците да ја избришат пораката од телефонот на оној што ја прима.

А еве и како функционира: Ја отворате TigerText апликацијата и го подесувате тајмерот пред да ја испратите пораката. Откако ќе помине временскиот рок на кој е подесен на тајмерот, пораката автоматски ќе се избрише од телефоните на испраќачот но и на примачот. Тие ќе бидат комплетно избришани, нема да бидат ниту сочувани на некој сервер некаде. Од TigerText велат дека овие текстови "нема законски да можат да се откријат" откако ќе бидат избришани.

"TigerText комплетно ќе го промени начинот на кој луѓето размислуваат во однос на електронската комуникација," изјави основачот на TigerText, Jeffrey Evans. "За прв пат, Вие, ја имате комплетната контрола со она што ќе се случи со вашите текстови откако ќе ја испратите пораката. TigerText ќе донесе малку мир кај секого кој своите пораки ги испраќа со цел да останат приватни."

Корисниците можат да го постават тајмерот во период од 1 минута до 30 дена. Оваа апликација исто така носи и некои додатни функции на телефонот на корисникот, како што се можност да се избришат сите текстови од одреден разговор или бришење на текст автоматски откако примателот ќе го отвори.

Верзиите од оваа апликација за Blackberry и Android уредите, моментално се во развој а се очекува да се појават за неколку недели.

Цената на услугите од оваа апликација ќе бидат одредени за пријавениот модел. Корисниците ќе можат да праќаат 250 пораки преку TigerText за $1.49 долари месечно, или да одат на неограничена месечна претплата од $2.49 долари.

Оваа апликација нуди и бесплатен 15 дневен тест период или период од 100 текстуални пораки.