Google претстави нов бета додаток кој им овозможува на Google Chrome корисниците да сурфаат по повеќејазични интернет портали во реално време а притоа без да инсталираат екстензии или додатни додатоци.

"Без разлика дали ќе си го гледате вашето омилено Арапско шоу, дали ја прегледувате најновата Корејска галантерија на мобилни уреди или ја истражувате локалната перспектива за патување од соништата на Machu Picchu, сите ние сме постојано потсетувани дека интернетот е едно големо мулти-јазично место," објасни Wieland Holfelder, претставник на Google.

"И како функционира ова? Кога јазикот на порталот што го прегледувате е различен од оној што вие го познавате, Chrome ќе ви прикаже опција со прашање дали би сакале порталот да ви биде преведен со помош на Google Translate."

Според Holfelder, најновото бета издание од Chrome вклучува неколку нови додатоци кои им нудат на корисниците "уште поголем избор и контрола" на подесувањата за приватност.

"Згора на веќе постоечкиот инкогнито мод на Chrome – згоден начин на пребарување низ интернетот без да оставате траги од порталите кои сте ги посетиле на вашиот компјутер или превземањата што сте ги направиле - сега сте во можност да ги подесувате вашите подесувања на приватност во новата 'Privacy' опција од секцијата за дијалог на Chrome," изјавил Holfelder.

"Од овие подесувања, вие можете да ги контролирате 'колачињата', сликите, JavaScript-ата, додатоците и поп-ап прозорчињата на секој портал посебно преку пребарувачот. На пример, можете да поставите правила за 'колачињата' со кои ќе го дозволите нивното приваќање само од портали за кои верувате дека се чисти од тројанци, како и да ги блокирате оние од порталите кои не ви се познати."