Првиот гејмер кој ќе изигра совршен натпревар во играта 2K Sports' Major League Baseball 2K10 ќе биде награден со главна награда од $1.000.000 долари.

Компанијата која има за задача да ја организира оваа наградна игра тврди дека ова е најголемата наградна игра во историјата на видео игрите.

2K Sports се консултирале со 72andSunny, маркетинг компанија од Los Angeles која работела на кампањи за CW, G4, Microsoft и Nike. Токму оваа компанија дошла до идејата, буквално вредна 1 милион долари.

"Со дадените влогови за наградата од $1 милион долари, играчот го доживува истиот притисок и возбуда како и фрлачот, стоејќи на позицијата за фрлање и ѕверејќи се во играчот кој ја удира топката," изјави Bryan Rowles, директорот за креативност од оваа компанија.

MLB 2K10 излезе во С.А.Д вчера. Трката за победа вредна милион долари е веќе во тек. Во историјата на професионалната лига, се забележани само 18 совршени натпревари. Оваа последна инсталација во франшизата на оваа видео игра го одсликува истото ниво на тежина и среќа со која се среќаваат фрлачите во реалниот живот.

Ова натпреварување е онлајн кампања наречена "Фрлач против Удирач" и корисниците наскоро ќе можат да видат спортски натпревари од оваа игра на телевизија, во печатени медиуми како и низ социјалните и интернет портали.

Е сега, ако сакате да се обидете да лапнете милионче, повелете.